BE-ja në Kosovë dhe Ambasada Gjermane shënojnë një vjetorin e pushtimit të Ukrainës nga Rusia

09:00 | 23 Shkurt 2023
Emir Abduramani

BE-ja në Kosovë dhe Ambasada Gjermane shënojnë nesër një vjetorin e fillimit të pushtimit të paprovokuar, të pajustifikuar dhe në shkallë të plotë të Ukrainës, me shfaqjen e filmit ukrainas të vitit 2022 “Shtëpia e ndërtuar nga copëzat” që flet për fëmijët e prekur nga agresioni.

Në këtë ngjarje do të flasin ambasadori i Republikës Federale të Gjermanisë, Jörn Rohde, ambasadori i Bashkimit Evropian në Kosovë, Tomas Szunyog, zëvendëskryeministrja dhe ministrja e Punëve të Jashtme dhe Diasporës, Donika Gërvalla-Schwarz, si dhe gazetarë ukrainas pjesëmarrës në Programin “Gazetarë në Rezidencë në Kosovë”, përcjell arbresh.info.

“Mediat ftohen përzemërsisht të mbulojnë këtë ngjarje nesër, e premte, më 24 shkurt 2023, nga ora 19:00, në Kino Armata në Prishtinë.”, thuhet në komunikatën e zyrës së BE-së në Kosovë.